「呢排個電飯煲成日煮到啲飯半生熟，我惟有用瓦煲煮飯，試過無記性唔記得睇火，結果煲燶飯，嘥咗啲食物！」白髮蒼蒼的李仙婆婆向記者訴說。
年屆八十二歲的李婆婆，無親無故，近日家中使用多年的電飯煲及洗衣機相繼壞了，奈何她自十年前退休後，一直靠微薄綜援金維生，難有餘錢購買新電器，生活甚感不便。
李婆婆續歎謂：「五年前我左眼嘅眼角膜脫落，做咗兩次手術都唔成功，之後左眼一直睇唔到嘢；舊年年尾我喺屋企跌傷對腳同腰骨，要成日搽藥油同貼膠布止痛，所以呢排個洗衣機突然壞咗，我周身病痛又好難長期自己洗衫，真係頭痛！」
晚年體弱多病的李婆婆，曾先後任職毛巾廠及廁所清潔等低收入工作，退休後難有積蓄。
李婆婆期盼着說：「𠵱家只要有個用得嘅電飯煲同洗衣機畀我，我就滿足嘞。」
除李婆婆之外，目前尚有數位無依長者（見表）有待善長捐贈電器，解其困境。
暖流熱線
電話：29908688
傳真：23702192
電郵：
網址：