見到羅兆輝嘅瘋狂行為，大部分記者為難之餘，亦替佢難過，佢叫記者猜枚，記者唔想拒絕，但實在唔想飲佢口水尾（羅與記者共用酒杯）。去到食血鴨嘅餐廳，當羅兆輝知道有記者帶咗佢做封面嘅周刊去巴黎，佢即刻飛撲落樓，攞周刊上樓向法國靚女Nicole炫耀。
羅兆輝冇錢埋單，其間某周刊男記者推無可推之下，借咗張信用卡畀佢，但張卡就過唔到數，未知事後羅兆輝係唔係心有不甘，坐電梯離開時，大講粗口鬧眾記者之餘，更打咗個位記者兩捶。而本報記者亦無端端俾佢打咗一捶，記者勸佢咪郁手，佢竟然話：「咩呀！隻揪呀笨！」
羅兆輝嘅粗暴行為，激嬲咗所有記者，不過身無分文嘅羅兆輝最後亦能成功返回酒店。