八方前排曾提過太古前大班薩秉達可能身患重病，點知噚日就收到太古的訃告，話薩秉達於周三已過世。
八方識咗呢位靚仔大班好多年，但佢兩年多前離職時，八方已經覺得奇怪，事關佢只不過五十出頭，毋須咁早退休，點知原來真係有事。
薩秉達享年五十六歲，係牛津高材生，六六年加入太古，最初喺船務部工作，七○年調任國泰，直至八八年獲委為太古副主席，九二年出任主席。當年「空姐工潮」一役夠晒硬淨，且徹底打敗工會，贏得漂亮。
噚日咁啱係太古公布業績日子，太古主席何禮泰對這位相識二十五年的老朋友去世甚感悲慟，並證實薩秉達是因患癌症病逝，並稱永遠懷念這位友善、謙遜的同事。
（圖）薩秉達作風硬朗，當年憑「空姐工潮」徹底打敗工會，贏得漂亮。
E-mail：