香港樂隊Twins受歡迎到不得了，但係好似佢哋咁似似地樣又同樣打扮，絕對唔係年輕人嘅專利。喺北京就有一對「老版」政協雙生兒，出出入入永遠手拖手，最頂癮係佢哋着衫唔係大紅就係大綠，離遠望分唔到係一個定兩個。
呢對政協Twins，原來只有姐姐杜毅係港區嘅政協委員，而妹妹杜穎就以家屬身分上京。如果唔係杜穎話姐姐大佢三歲，都冇人知佢哋原來唔係孖生。咁點解唔係孖生，着衫又會咁相似呢﹖杜穎好似有啲遺憾咁話，兩人平日唔係衣服相似，直情係完全一樣！佢重話冇理由一個穿紅一個穿綠喎。雖然佢哋兩個加埋成百歲有多，但重記得細個嗰時經常爭衫着，佩服佩服！
（圖）杜毅（左）同妹妹杜穎永遠都係一齊出現公開場合，唔知重以為佢哋係孿生。
E-mail：