息影了的波波(唐麗球)，到現在仍可保持身材咁Fit，都係因為佢喜歡食，營養豐富之餘，又唔油膩的食物。今次佢就為大家示範，呢味採用營養豐富的菇類作菜，煮出健康又好味的菜式，及另一味有美顏功效的花膠、海參，煮出香味十足入口美味的菜式，大家不妨試煮。至於懶得下廚的朋友，可以喺波波與友人合資的菜館──思家菜，享用到這兩道菜式。
記者：葉少萍 攝影：周旭文
呢味荷葉炒雜菇，其實沒有用荷葉同炒，是先將多種營養豐富的菇，以牛油、蒜同炒，再加入上湯煮，之後先用荷葉包起，等荷葉的香味能與雜菇混合，加上先用香味十足的牛油及蒜同炒，令雜菇香味十足，入口又夠香又夠軟，煮法又簡單，不妨試試。
雞髀菇2両
冬菇2両
秀珍菇2両
白蘑菇2両
金菇2両
靈芝菇2両
荷葉1塊
牛油少許
蒜碎少許
新鮮兼大塊的荷葉，多數可以喺街市買到。
場地提供：思家菜
地址：香港灣仔軒尼詩道51-53號聯新大樓6字樓
電話：28655998
花膠同海參不但營養豐富，重有滋補美顏功效，平時就咁煮的方法就用得多，不如試吓煮好後，將之放入木瓜內，變成呢款萬壽無疆。木瓜的香甜味與之混合，入口不但花膠、海參又軟又腍，重有陣陣木瓜香甜味。
木瓜1個
花膠4両
海參4両
用上湯煮，味道較濃郁好味。
1. 用凍水將花膠浸1晚，之後用熱水浸，水凍後再換熱水浸，重複三次至花膠變腍備用。先將海參煮好焗一夜，用熱水將海參浸，水變凍後再換熱水浸，重複三次，再將海參𠝹開去沙備用。
2. 煲約半煲上湯，滾後加花膠、海參煮一小時。將木瓜蒸熟，再將木瓜打橫，切去少許頂部，再將木瓜核及少許木瓜肉除去備用。
3. 將燜煮好的材料加入木瓜內即可。