羅兆輝父母昨日發表「道歉啟事」，指兒子近日怪異言行全是精神問題所致，要求各界包涵，對於此啟事，城中藝人及名人各有意見。
被羅兆輝自稱給予十萬元的女星陳明君表示，「我都唔知佢做乜，如果佢身體有問題都希望佢早日就醫，不過佢真儍定假儍真係冇人知。」羅兆輝的緋聞女友麥家琪感慨地說：「唉！有乜點睇，咪天妒英才囉！估唔到只有戲先至會發生嘅劇情，竟然現實生活都有，佢唔食藥物唔會搞成咁。佢係唔係癲我唔知，相信同佢最密切關係嘅人先知。」
羅兆輝的好友何超瓊昨日在外地接受電話訪問，她表示不想回應，只說：「我唔想講呢個人，我𠵱家公幹緊，唔想答呢啲問題。」
羅兆輝的另一緋聞女友，豔星陳昭昭則表示：「佢父母咁樣講，或者係唔想佢個仔再受傳媒壓力，呢啲是非沒完沒了，都唔知幾時先了結。市民睇羅兆輝新聞都睇到滯，希望啲傳媒唔好再畀壓力佢啦。」
本報記者