謝霆鋒大前晚夜會柏芝後，飛抵摩納哥出席2002「世界音樂大獎」頒獎禮，領取「全球最暢銷中國歌手」獎。同場更有澳洲女歌手KylieMinogue等國際級猛人出席，顯得身穿長裙的霆鋒極之巴閉。
前日在摩納哥舉行的國際級音樂盛事「世界音樂大獎」（WorldMusicAwards），已順利完成。謝霆鋒在今屆「世界音樂大獎」中獲「全球最暢銷中國歌手獎」，前日更與澳洲性感女歌手KylieMinogue等國際級樂壇巨星同台領獎，可謂十分巴閉。
霆鋒奪得的「全球最暢銷中國歌手」獎，是頒發給去年度中、港、台及馬來西亞地區華語唱片銷量最高的歌手。霆鋒前日領獎時，除戴上黑超外，還穿了一條闊腳褲和see-though長裙。
而昨日在商台節目《茶煲裏的查篤撑》中，主持查小欣播出霆鋒好友陳奕迅（Eason）越洋訪問他的內容，Eason問當時還未領獎的霆鋒心情如何？霆鋒說：「真係好開心，頭先頒獎禮嘅主持先打嚟問我個『謝』字點串同點發音。」
此外，昨日出版的《壹週刊》拍下霆鋒日前在Band房夜會張柏芝，更指他親自接柏芝上樓。
而當晚出現Band房的好友，如陳奕迅及蘇永康等人一早在凌晨三時多便離開，剩下柏芝與霆鋒獨對至凌晨五時許。
昨日張柏芝透過經理人李小姐在電話回應說：「希望啲周刊唔好屈得就屈，當時我哋係總共五個人一齊走，根本無單對呢回事。嗰次我係第一次去霆鋒個Band房，因為我唔熟地方，所以霆鋒落嚟接我都好正常，我哋係唔會有私下拍拖嘅事發生。自從同東東分手後，外間對我感情生活有好多揣測，但我可以講張柏芝係唔急拍拖嘅。」
而霆鋒昨日領獎後接受港台電話訪問，被問他與一班圈中好友在Band房狂歡一事時，霆鋒說：「都好開心，冇話成晚只係得我同柏芝，都有提番之前有蘇永康、何超儀喺度。」
圖片提供：美聯社、路透社