羅兆輝自揭與女星名媛親密關係，又大爆富豪開淫亂派對、打針壯陽，令社交圈人人自危。
雷林靜怡： 呢啲相係兩年前我老公James（雷兆光）生日party影嘅，喺中環嘅意大利餐廳，啲朋友係畀面我哋先嚟，𠵱家俾佢一次過放晒啲相出嚟，真係唔好意思。其實我哋成班朋友近年都好低調，唔去fashionshow，中環睇醫生都兜路行，今次最無辜係煩到啲朋友，我梗係唔鍾意啦！而且佢嗰本係富豪相簿，我哋唔係劉鑾雄級數，只係普通人，大家唔好誤會。」
何超瓊（正在外地公幹）： 𠵱家我同人開緊會，唔係關於工作我唔會答，等我返嚟了解發生乜嘢事先考慮會唔會回應，總之我𠵱家好忙，唔會答你任何問題。
鄭裕彤（由秘書回覆）： 唔會回應。
張智霖： 我都唔識羅兆輝，唔知佢個人係點，之前話佢打過電話畀我，根本就冇。以前嘅嘢我唔理，總之我哋（他與袁詠儀）𠵱家感情好好，好穩定。（袁詠儀現在是否在港？）……唔喺香港。
林建岳： 香港言論自由，我同佢（羅兆輝）冇乜聯絡，對唔住呀，我開緊會，我諗大家對呢件事有時太緊張。