陳百祥（阿叻）和楊思琦昨日往尖沙嘴出席無綫活動，對於羅兆輝近日大爆圈中人性史，阿叻說：「做人有限度，呢次太過分，唔知係咪有人刻意安排，如果係就居心叵測。我覺得呢件係悲劇，𠵱家唔知佢變成點，佢以前好聰明，我覺得呢件事傳媒唔應太高調處理。佢啲女朋友好無辜，我諗佢哋發夢都估唔到會爆咗出嚟。」
此外，羅家英與谷德昭昨日往尖沙嘴出席有線活動，提及有關羅兆輝時，羅家英即時反問說：「樊亦敏有冇份呀？我其實同樊亦敏都好熟，睇吓今次有冇佢份。」而谷德昭及好友周星馳兩人與羅兆輝的合照亦有被公開，谷德昭說：「唔講呢啲嘢。」對於有否感到被出賣，谷德昭則說：「幫佢就畀佢（羅兆輝）靜吓啦！」