董建華同何厚鏵大家都係特首，雖然佢兩個企出嚟外形已經有好大分別，但原來鏵哥同阿董都有共通點嘅。
話說八方老友噚日喺北京兩次撞見鏵哥，朝早喺酒店大堂見到佢，諗住問下佢見咗霍英東傾賣賭權單嘢未啦，點知鏵哥話：「如果我𠵱家講，你哋有啲喺度，有啲唔喺度，會鬧我㗎！」冇計啦，佢咁講到，班記者惟有放佢一馬啦。點知隔冇幾耐，又喺人民大會堂再見到佢，今次行家比較齊人，點知鏵哥又係講同一句說話。
吓！點解咁似阿董成日同記者講嗰句：「你食咗飯未呀？」
（圖）鏵哥除咗夠台型外，睇落重幾有江湖味。
E-mail：