香港過去一年發生咁多事，經濟差成咁，有人怪阿董唔入住禮賓府破壞龍脈，但亦有港區人大話問題原來出在北京人民大會堂的香港廳。
話說港區人大噚日去香港廳開會，一入門口立即罵聲四起，何故﹖因為過去令班人大引以為榮，有江主席題字的屏風，之前裂咗要重修，由原來的墨綠色底金色字，變成白底金字，望落成個墓碑咁。馬力最坦白：「不倫不類，江主席題字應該好莊嚴，𠵱家搞成咁，好cheap，好醜，好失望！」陳永棋更大鬧「垃圾」！
負責搵人在大陸維修的王敏剛似乎都唔知會搞成咁，佢話一定要搵人轉過個底色。雖然有人話咁樣整一整隨時唔見成百萬，王敏剛雖然話唔使，但最少都要幾十萬！
（圖）香港廳內的江主席題字屏風成個墓碑咁，唔通真係影響到香港風水？
E-mail：