羅兆輝前日踢着拖鞋到巴黎數一數二的四季酒店，入住近萬元一晚的豪華套房，但即晚又忽然搬走。羅兆輝問酒店經理可有女人和可卡因提供，因此引起懷疑，他們查過其信用卡沒有錢，所以要求他離開。 特約記者巴黎直擊
羅兆輝在巴黎花光了好友Roger帶給他應急的十萬歐元（約六十七萬七千港幣），前日連支付酒店房租的錢亦沒有，要着拖鞋落街找記者替他結帳，結果以二千多歐元（約港幣萬多元）付清幾日的房租。而羅兆輝離開三星級酒店HotelRochambeau後，便踢着拖鞋入住於巴黎的四季酒店，並交低自己的信用卡，遷入該酒店的豪華套房，房租一晚一千四百五十歐元（約港幣九千八百元），面積約八百呎，亦有大露台。
由於有大班記者到場，羅兆輝顯得不大高興，着記者離開，而酒店的當值經理JulianEawralero見狀，便與一位保安員上房找羅兆輝，羅兆輝更與Julian握手。（以下是羅兆輝和經理的談話內容）
羅：你大老細我識㗎，我遲啲叫佢調你去一間好啲嘅酒店。
經：（指着記者）佢哋係咪你嘅朋友？
羅：佢哋全部都係《Time》Magazine嘅記者，佢哋嚟訪問我，六月號出街時我會寄份畀你。
經：你有邊啲朋友會留低？
（羅兆輝點名叫記者留低，除了某周刊的記者。）
經：你今晚幾多個人留喺度住？
羅：只係我一個人住，如果lucky嘅話，會有多一個人住，你哋有冇女介紹？
經：我哋唔做呢啲嘢。
羅：咁有冇Cocaine（可卡因）？
經：我哋冇呢啲嘢，如果你再係咁，我要請你出去。
羅兆輝其後表示要送水晶給經理，遭拒絕後，他獨自入廁所沖涼，當值經理見他的雙腳非常污糟，加上是着拖鞋checkin，於是向記者查問他是何許人，當他知道羅兆輝是香港的富豪後便離開。
羅兆輝洗完澡後，將自己珍藏的相片讓本報記者挑選，然後自己再挑選了約二十張相片。記者回酒店後，羅兆輝再致電相約食飯，但最終不見羅兆輝的蹤影，而酒店方面表示他已轉了酒店。
據知今次羅兆輝並非轉換酒店，而是因為他行徑古怪，加上酒店查過其信用卡根本沒有錢，所以要求他離開。記者其後致電酒店當值經理Julian，他表示羅兆輝已離開，但過程不便透露。