今個禮拜，政府接連有大嘢公布，先是下年度賣地時間表，然後係噚日嘅財政預算案，發展商有盤在手，都只有讓路，但今日長實(001)即刻開記者會，宣布提早開售長沙灣泓景臺。泓景臺嘅開價，唔知會唔會反映到發展商對樓市嘅睇法？
另漢國置業（160）嘅深水埗金濤閣及佐敦金威廣場，美聯物業亦借財政預算案之勢，於今日公布以震撼價及全新優惠促銷，強調首創「買樓退稅」計劃，吸引政府貸款客入市。
在財政預算案公布當日，利嘉閣地產舉行的拍賣會，成功售出8項物業，可見買家不受預算案影響。不過，成功售出的8項物業，成交價最高只有130萬元，為馬鞍山中心1座3樓A室，626方呎，呎價2077元。至於最平的一項，亦是位於馬鞍山，為福安花園商場地下30號舖，286方呎，成交價27.5萬元，呎價僅962元。
今日灣仔會展舉行嘅香港資訊基建博覽會，相信可以滿足到呢批人士嘅要求，而中原地產每年都有參展，今年會推介將電子地圖搬上Palm平台。只要有部palm在手，日後行街就好方便。
蘭西