鄭秀文唔單止喺香港紅，原來喺北京都好紅。八方老友呢幾日喺北京，採訪緊兩會新聞，每日經過王府井，都見到有座大廈外牆大銀幕播Sammi嘅MV，除咗佢之外，重有GiGi梁詠琪、《哈利波特》同《侏羅紀公園》第三集等嘅宣傳片段，吸引到唔少人圍觀。
不過，咁都未算，去到樓高五、六層嘅王府井書店，竟然有張大海報宣傳Sammi同任賢齊套賀歲片《嫁個有錢人》，只要憑買書單據，就可以半價十五蚊購買戲票，唔怪得前幾日人大安排班專程去北京開會的代表睇戲，喺人民大會堂都要睇呢套啦！
（圖）Sammi同任賢齊套賀歲片《嫁個有錢人》現正在北京上映。
E-mail：