羅兆輝近日言行出位，成為城中頭條新聞，他大爆有名模有吸食毒品習慣。Rosemary昨日往中環出席流動電話新服務發布會時，表示對有名模吸毒一事不知情。而其母Julie揚言早已嚴訓愛女，加入女模界第一戒條就是嚴禁吸毒。
羅兆輝近日大爆娛樂、富豪圈中秘聞，更踢爆某些名人、藝人和名模有吸食毒品習慣，如模特兒某小姐服食可卡因和某某小姐吸食白粉等。
Rosemary昨日往中環，宣傳蜆殼公司與SUNDAY電話合作推出的全新流動電話服務。天氣轉冷，身穿背心和短裙的她在百萬元名車瑪莎拉蒂旁擺甫士，她表示不覺冷。
提到名模某某小姐，Rosemary毫不顧忌說：「我識佢，佢吸毒？呢啲我就唔知喇！」此時大會公關即禁止記者再提問，更稱時間不足並趕記者離場。
活動完畢後，記者致電Rosemary的母親Julie，她對model界有吸毒女模不表驚奇，她說：「行行都有呢種人，唔係只係model界囉！不過我一早就告誡Rosemary，呢啲嘢絕對唔掂得，一掂即死！係入行第一戒條，我最反對呢樣嘢。
「我同佢講，吸毒第一係唔合法，第二做model要青春，講身材、樣貌，食呢啲嘢嘅人皮膚同身體一定差，做唔耐㗎！第三，咁貴，你點搵到錢食呢？」
Julie更勸誡愛女Rosemary玩樂時要小心，她說：「引誘處處都有，我阻止唔到佢識朋友，不過，你唔去蒲就可以減少機會啦！去運動場打波點會有呢啲事啫！」Julie又揚言幸好女兒本質不壞，她不擔心有女模吸毒會影響女兒，她說：「我覺得本地啲model幾好、幾純品，又識自我增值，好似陳嘉容同李嘉慧咁。」
Rosemary昨日出席的活動，是推廣Shell（香港蜆殼有限公司）與流動電話公司SUNDAY合作，推出全港首創、專為駕駛人士而設的虛擬流動通訊網絡服務（MVNO）。
手機用戶只需插入專用sim卡，就可透過衞星導航系統在服務中心顯示所在位置，車主只需致電服務中心即可靠手機得知二千米內的交通情況，又可以用短訊接收交通消息、隧道流通情況和交通意外報告等資訊。