陳奕迅（Eason）昨日到商台為廣播單元劇錄音，故事內容環繞Eason、謝霆鋒主演的電影《戀愛行星》。其實Eason拍攝《戀》片只佔五日劇份，與盧巧音（Candy）飾演情侶。
Eason說：「我喺片中好相信星座，重相信唔可以同天秤座女仔一齊，但Candy就係屬於天秤座。其實我拍五日只係見到Candy三次咋，點知一嚟就話要我喺醫院強吻佢，都幾尷尬，因為大家都熟，我要強吻佢兩次，重要俾佢摑一巴，真係第一次拍呢啲戲，所以NG咗五、六次。
「現實生活中我當然無俾女友徐濠縈打過啦，而喺拍攝過程中最搞笑係見到謝霆鋒跳舞，好好笑，十足秋官（鄭少秋）一樣。」
採訪、攝影：汪正文