羅兆輝爆完富豪性史之後還向記者聲稱是事實所以冇有怕，並大講自己面對富豪時的擦鞋心得，指自己叫X哥做靚仔X迎合對方口味。其後又向記者展示新買的金勞，價值十多萬港元。
羅兆輝近日在巴黎的言行愈來愈怪誕，其家人及富豪朋友俱十分擔心，屢次勸他回港亦無效。
據知羅兆輝不願回港是因為有周刊記者告知他劉嘉玲昨日會到巴黎，以及某周刊靚女記者願到彼邦相陪，羅兆輝對劉嘉玲和某周刊靚女記者即到將到訪十分興奮，更打算和劉嘉玲在巴黎見面。劉嘉玲亦於前晚離港飛往法國。
劉嘉玲前晚約十時許與助手到赤鱲角機場，準備乘法航去巴黎出席浪琴表一個宣傳活動，架着墨鏡的劉嘉玲，對於記者問她有關羅兆輝的問題，充耳不聞，直奔入閘。劉嘉玲到達巴黎後入住五星級的CrillonHotel，每晚房租九百歐元（約港幣六千多元）面積約六百呎，比羅兆輝入住的房間較細，他其後又到LV店購物。
愛自吹自擂的羅兆輝，日前又接受周刊訪問，繼續爆富豪情史，又將一些與女星親密合照公開，記者昨日凌晨三時許致長途電話給羅兆輝求證。
羅兆輝：羅 記者：記
羅：𠵱家某周刊嘅女記者會嚟陪我浪漫一個月，佢重答應同我一間房，你去我屋企攞兩盒偉哥帶嚟畀我。你唔使買機票，我已經幫你同周刊女記者買咗頭等機票飛去意大利，到時我會坐直升機嚟會合你哋！
記：你媽咪好擔心你，點解重唔返嚟？
羅：你記住我公司啲人會帶五十萬歐元（約港幣三百九十萬元）到機場畀你，所以你唔使帶錢過嚟。重有我已經搬咗去HotelPershingHall酒店住，唔係住四季酒店喇！
前晚羅兆輝由巴黎四季酒店搬了去HotelPershingHall，樓高只得四層，房間有千多呎，房租一千歐元（約港幣七千多元）一晚，但極之凌亂，房間放滿了購物袋，包括名牌Cerruti和BananaRepublic幾大袋，羅兆輝並向記者展示新買的金勞，他說用一萬八千歐元購買（約港幣十二萬元），更自稱自己所戴的是全世界最薄的萬年曆手表，價值過百萬港元。
對於爆富豪性史，羅兆輝昨日向記者說：「驚乜啫，咁係吖嘛！×哥今日都打過電話畀我，佢都冇鬧我，我話佢似花生，我夠話自己似花生咯！李××起雙飛？佢點止雙飛吖，七飛㖭嘛！至於話我個明星朋友×××食白粉，我就冇見過，佢自己同我講㗎！佢最鍾意媾女，趙×同徐××都係佢女朋友，其他嘅我唔講畀你聽，總之佢媾女就係唔理好醜，最緊要就手，唔理老嫩，最緊要自願！」
羅兆輝自稱可以在富豪間周旋，自己有不少擦鞋心得，他說：「佢哋叫我做乜我一定做到，好似我之前幫個阿叔媾咗個空姐，𠱁到佢不知幾開心，好似×哥咁，我唔係叫佢×哥㗎！佢唔係我契爺，我係佢大佬就真，我叫佢做靚仔×，佢返老還童嘅嘛，要迎合佢口味先得㗎，同啲富豪講嘢要同佢搏，要據理力爭，咁先得嘅嘛！」記者問大劉劉鑾雄可有致電給他，羅兆輝說沒有。
羅兆輝見到靚女就口花花，向樓下的接待處洋妞展示他的金勞，對方還問他是否送給自己，其後羅兆輝向記者彈對方的牙唔靚，上到酒店房他忘記帶鎖匙，又陰聲細氣撩女管房，其後知道有《壹週刊》的女記者（不是羅兆輝心儀的周刊記者）到了酒店樓下，他即時衝落樓下迎接對方。
羅兆輝拿價值千多元的涼鞋當拖鞋着，並戴着ERICSSON的無線咪周街走，他向記者誇口自己大把錢，前日有個法國男子向他買了百分之五十慳電機專利權，作價一億二千七百多萬歐元（近十億港元），但轉頭記者聽到他致電一位友人用英文向對方借二千歐元（約港幣一萬三千元）。
本報記者何永寧報道