處理器時脈速度發展未有一刻停過，Intel啱啱先推出桌面電腦用嘅P42.2GHz，再嚟搞作就係宣布推出手提電腦的1.7GHz處理器。不過時脈速度增加，即代表耗電量同機內溫度成正比提升，呢兩點可謂手提電腦嘅死敵。有見及此，Intel特別研發M系列處理器，令速度提升之餘，重解決上述兩大弊病㖭。
記者、攝影：徐影龍
其實早在去年，Intel已發表Notebook專用的PIII-M處理器，到今天P4處理器已漸普及，Intel便重施故技，將M系列獨有技術加到P4處理器，由於以最先進之0.13微米製程，及以更細小的Micro-FlipChipPinGridArray包裝，令處理器相對縮細，直接減低手提電腦之體積，而時脈速度則分別達到1.6GHz同1.7GHz，成為目前最快之流動處理器。除令手提電腦運算速度大幅提升外，當中最重要具有兩項優化技術：
P4-M跟舊型號PIII-M一樣，支援EnhancedIntelSpeedStep技術，能自動辨認處理器運算狀態，調節時脈速度及耗電量。例如多個程式同時運作，便以1.7GHz及1.3v運行，當電腦處於較優閒時，便以低於1.2GHz及1.2v運行。此舉可避免浪費無謂電量，亦令機內熱量減低。
為配合P4-M，Intel同時推出新一代底板晶片組i845MP，最大特色係支援外置4×AGP圖像晶片、具有400MHz處理器匯流排（SystemBus）及最高支援1GHzDDR記憶體，令手提電腦表現更為優秀。
P4-M已付運至各大電腦生產商手中，包括COMPAQ、NEC、SONY、IBM等，今日就為大家率先披露當中三部唔同牌子新機，售價未定，發售日約在今年第二季，三者最大共通點係一體化設計，有心買纖巧型Notebook用家要等下嘞！
三部機中以COMPAQ呢部Presario2800最為頂級，繼承COMPAQ獨家開發之MultiPort無線技術，供用家選擇以802.11b及藍芽兩種無線傳輸技術，接駁互聯網或公司網絡。
除P4-M1.7GHz處理器及i845MPB晶片組外，最突出係採用ATIRadeon7500顯示晶片（64MBDDR），對於平面及立體圖像處理均有理想表現。光碟機亦採用8×DVD讀取及光碟複寫功能的ComboDrive，作為移動型桌面電腦用途亦應付裕如。
FUJITSU最新的LifeBookC2110，銀色機殼非常搶眼，雖然只配有P4-M1.6GHz處理器，未算最快，不過對多媒體支援功能尚算足夠，如顯示晶片採用ATIM6C（8MB），具有立體圖像加速功能及DVD（MPEG2）硬體解碼功能，加上機前分設左右之特大喇叭，令打機或睇DVD影碟都有豐富臨場感。
至於光碟機則同樣採用DVD?CD-RW兩用嘅ComboDrive，增加電腦實用性之餘體積可保持不變。
華碩呢部L200B在機能上還未有定案，除知道配有P4-M1.7GHz處理器、14.1"TFTLCD及ATIM7（16MB）顯示晶片外，其他規格均可供用家自由揀選，如主記憶體容量、硬碟容量、光碟機類型等，價錢當然亦不盡相同，不過以華碩一貫行銷策略，賣價會比同級機更低，想以較低價錢換機嘅用家要留意日後嘅公布。
Intel今次搞呢個產品發布會頗有心思，特登租咗架城巴做展示場地，成班記者坐晒喺上層聽Presentation，車號重改埋做P4M，認真搞鬼。不過由於環境問題，拍攝巴士上展示嘅三部手提電腦，需要遷就攝影位置，又要夾光源，難度頗高，幸好公關人員最後都應記者要求，移師至金紫荊廣場，先可順利完成拍攝。