「差餉寬減加到五千蚊一年，水費減幾百蚊，除開後一個月得二、三百蚊，好似派粒糖咁，而且另一方面煙酒又貴咗，遲啲又會收邊境建設稅，所以今次紓困措施嘅幫助其實極之少。」一家三口住在粉嶺的葉太形容政府提出的紓解民困措施是杯水車薪。
葉太與丈夫在九七年分別以二百六十萬元及二百三十三萬元，在粉嶺購入了兩個約五百平方呎的小型單位，用以自住和供養父母，現在樓價下跌，兩幢物業的價值都下跌了超過六成，即使寬減差餉至五千元，對葉先生夫婦的幫助仍極有限。
葉太說：「我𠵱家每月供樓嘅開支要近二萬蚊，雖然減咗差餉後，我成年都唔使交差餉，但係只係好小嘅數目，至於減水費，我屋企一年都係交四、五百蚊水費，受惠得幾多吖。」
由於葉先生經營巿場營運培訓公司，平均每周要到內地洽商生意一至兩次，對於政府計劃徵收邊境建設稅，他埋怨：「又唔見一筆」。
本報記者