各蘭桂坊長期捧場客，有無發現最近附近多咗新嘢？無錯，係一間新日本料理店！呢間叫KyotoJoe嘅新派日本料理查實係名人紅星至愛食點TokioJoe嘅姊妹店，新店比舊店大，也是蘭桂坊最大的日本料理店，更分有壽司吧、爐端燒兩層，菜式加入更多創意。不知從何叫起？不如先參考以下幾款招牌菜！
記者：黃婉冰
攝影：伍慶泉
食沙律，材料固然重要，調味的沙津汁亦不能馬虎。新鮮蟹腳肉、帶子、吞拿魚、三文魚作主要材料，拌以師傅秘製的招牌沙律汁，日式麻油、辣麻油、花生醬、醋、芝麻等多種元素混合，入口味道一層一層走出來，好味開胃，最適合做餐前小食。
試味報告：
入口先是花生香，跟着是麻油香，到最後留在口內的是輕微的辣味，沙律汁分量剛好，不會過多，讓材料帶有味道之餘，亦保留着海鮮本身的鮮味。
用內冷外熱來形容這道菜最適合不過，用做壽司反卷形式將三文魚刺身及紅、黃燈籠椒包圍，外蘸炸漿，炸至金黃，但內裏的三文魚生依然涼浸浸。
試味報告：
脆漿唔會食到成口油，內外口感不一，壽司帶有陣陣燈籠椒的鮮甜香味，味道咬感較複雜。
新店同樣以壽司、刺身作主打，每款特色壽司都是有兩種或以上的材料，由簡單的劍魚海膽、吞拿魚甜麵豉醬、燒西冷牛肉配鰻魚汁、吞拿魚伴牛油果、三文魚子辣帶子、梅子鱲魚、甜海帶三文魚、到複雜的吞拿魚、油甘魚、甜蝦、海膽、帶子五合一，各種配搭都有着互補不足、平衡味道的效果，味道各不同。
試味報告：
壽司款式特別，味道亦較多，選擇經過特別配搭，味道完全不同，如三文魚子辣帶子，辣帶子可以將三文魚子的腥味掩蓋，味道已變得截然不同。
三采分別是吞拿魚刺身伴牛油果茸，吞拿魚刺身表面輕輕燒過，在內外不同口感對比下，可凸顯其肉質的嫩滑，香濃牛油果茸，更可吊出鮮甜味；牡丹蝦配鮮茄茸，爽口但味淡的蝦肉伴以新鮮酸甜番茄茸，令人有食蝦沙律的感覺；最後是吞拿魚他他，特以鵪鶉蛋和日本山芋伴着，一改其黏口的缺點，令口感變得又滑又爽，三款魚生三種不同味道。
試味報告：
棄日式豉油改以不同新鮮打製的蔬果茸來調味，確是另有一番風味，其中的吞拿魚他他，口感較多層次，有鵪鶉蛋的滑溜，亦有山芋的爽脆，都算係魚生新食法。
雖然叫煙三文魚卷，但其實內裏除煙三文魚外，另有三文魚刺身和甘笋仔。甘笋仔用甜汁煮過，又甜又暖，最外層是青瓜薄片，連伴碟的燒豆腐皮、甜汁煮茄子和甜麵豉毛茄都一樣講究。
試味報告：
清爽青瓜配惹味煙三文魚，味道清得來不會寡，甘笋又甜又腍，但煙三文魚味略為將鮮三文魚味蓋過。
燒焗牛柳是多款爐端燒中最特別的一款，選用美國牛柳放在爐上輕輕燒熟，令面層香脆兼鎖住肉汁，再用焗爐焗至五成熟，肉質鬆軟，肉汁豐富，照燒汁加入原個蘋果一齊熬，可以令汁料有陣陣果香，又可以減輕油膩感，一舉兩得。
試味報告：牛柳軟綿綿，照燒汁味道不算太濃，有着一種清香味，與普通日式照燒汁不一樣，汁味同牛肉味幾夾。
店名：KyotoJoe
電話：28046800
地址：中環德己立街21號地下及地庫
座位：128個
營業時間：星期一至四中午12時至下午3時，下午6時半至午夜12時，星期五、六、日及公眾假期前夕中午12時至下午3時，下午6時半至凌晨2時。
付款方法：現金及信用卡(Visa,Master,Diners,JCB)
備註：星期日休息