阿松今日發表佢任內第一份預算案，大家當然拭目以待。八方聽聞佢老兄已經用咗兩日時間背熟晒台詞，準備喺立法會議員同公眾面前表演一番。
有人話，阿松一定會有啲好嘢畀大家睇，唔係點交代？佢老兄喺私人機構做到咁高級，一定有啲計仔，今次佢一改煲呔過往作風，既唔事先張揚本書嘅封面，又唔見人，搞到八方同眾行家無處埋手，好彩有權威消息透露，佢本預算案係米色，接近淺啡色，好似佢屋企啲家具一樣，連封面都冇乜花巧嘢喎。各位等到今日下午兩點半，就知道有無驚喜。
阿松讀晒成本書要兩個鐘頭，大家慢慢聽啦。
E-mail：