八方噚日去婦女創業支援記者會，發現場面墟冚，因為好多記者都以為陳四萬會出席。點知主辦活動的香港女工商及專業人員聯會解釋話，係聯會內部溝通出現誤會，錯登榮譽贊助人陳四萬為嘉賓。
雖然見唔到四萬，但八方竟然見到環食局局長鐵蝴蝶任關佩英在場招呼記者！睇真啲，原來係勁似任關的聯會會員麥瑞琼（Caroline）。身為萬寧總裁的Caroline，唔止五官，連齊耳短髮都好似同任關成個餅印咁。Caroline同八方話，好多人都話過佢似任關，直至一次自己同任關碰面，兩人都被對方個樣嚇咗一跳。不過，Caroline就話自己個髮型已經留咗十幾年，所以唔係刻意模仿任關喎。
E-mail：