月餅祥來電吐苦水，話裏原宿水貨被班明星玩死，聽後一頭霧水，只好由佢解釋：
「幾年前，裏原宿被香港班識嘢創作人着紅咗，係身分嘅象徵，不過經娛樂版報道後，好似蔡一咩同張智咩都着，我已經流失一批勁客，但好彩重有班新入行玩家接貨，通常都係啲工廠文員仔，尤其『巴非呷』（以馬騮為商標）因為logo得意，深受香港人歡迎，無論真假貨都好多人買。」咁應該係好事，點解會影響生意？
月餅祥攤開雙手說道：「最弊𠵱家啲九唔搭八嘅人都着，黃玉郎着我都算，最近連祖兒媽都着七彩猿人迷彩褸，襯番個女去日本一齊Yeah，最慘被周刊影到登晒出嚟，啲後生仔見到點敢再着嚟威，唔怕被人笑咩？」月餅祥只好寄望新一批BathingApe擁躉轉移為祖兒媽呢類有消費力嘅家庭主婦。老闆果然係老闆，思考方式特別過人。
主持人：大食Jack
八卦熱報：