長實（001）風騷，啲Call輪更加意氣風發。14件Call輪，有5件升30%以上，平均升幅都有24%。
長實升2.25元，啲輪10份兌1股，因為有溢價關係，當然冇可能件件都升22.5仙，點都要打打折扣。輪價平均升幅7.1仙，升得最小嘅係9063，得5.5仙，百分比14%，最落後係呢件。
長實上月高位75.5元，𠵱家未到7字頭，上便水位大把，升勢應該未完，可以摷啲抵食嘅Call輪出嚟短炒。最佳對象就係暫時最落後嘅9063，現價43.5仙，溢價10.9%，槓桿率15.9倍。同係地產輪又同時到期嘅新地Call輪9115，經兩日急升54%後（9063兩日只升28%），溢價10%，槓桿率12倍。9063拍埋去，靚晒。短炒長實Call輪，一於呢件。
大藍籌郁完之後，開邊瓣？似係大紅籌。華創（291）成交增1倍，升15仙，郁郁吓，要吼Call輪。
華創Call輪9013成交小，升12%，咪揀呢件，應揀9059（7月到期），現價1.31元，溢價2.8%，好吸引，槓桿率5.6倍，算唔細。