每次食西餐最高興都係食甜品，貪佢又靚又好味，係咪好想學製番幾款甜品呢？𠵱家只要喺呢間餐廳食個晚餐，咁你嗰枱就有一個人可以參加學製Tiramisu或ChocolatePudding其中一班，重係免費㖭！
記者：葉少萍 攝影：伍慶泉
鍾意食Tiramisu人士，必定俾佢表層又軟又滑的咖啡芝士餡、同中間帶少許酒味的蛋糕吸引，𠵱家唔使出街買，可以喺屋企整，製法簡單易學，整畀屋企人食或自己食都好。
芝士(MascaponeCheese)100克、蛋黃2隻、糖2茶匙、即溶咖啡粉1湯匙、手指餅4條、即磨咖啡粉2茶匙、冧酒少許、甜酒(KahluaWine)少許、水200毫升 唂咕粉少許。
1.將蛋黃加入糖攪至變糊狀，加入芝士攪勻變更稠，加入即溶咖啡粉攪勻至起泡，製成咖啡芝士餡料。
2.用熱水將即磨咖啡溶解待冷，加入冧酒邊加邊攪勻，再加入甜酒攪勻，浸手指餅。
3.在碟中放上蛋糕模，先在蛋糕模內塗上預先攪好的咖啡芝士餡，然後放上表面黏上手指餅，再塗咖啡芝士餡，再放手指餅，最後塗多一層咖啡芝士餡，將之放入雪櫃，以3-5℉雪3小時以上，取出後撒上唂咕粉。
呢款朱古力布甸，用咗香滑可口的黑朱古力製成，製法同製朱古力蛋糕差不多，如果焗得太久，朱古力布甸便會變成朱古力蛋糕。完成了的朱古力布甸，入口表層鬆軟可口，食落去有一層朱古力，咁好味道，得閒自己整來食都唔錯。
黑朱古力1安士、無鹽牛油1安士、麵粉0.7安士、糖0.5安士、蛋0.5安士、發粉1湯匙
1.將牛油、朱古力放入鐵兜中攪勻。倒水入平底鑊中，再將鐵兜放在水中煮，煮至朱古力變糊狀備用。將蛋攪勻加入糖，將之拂至起泡，加入麵粉攪勻，再加入發粉攪勻至起泡。
2.將煮溶了的朱古力糊加入攪勻備用。
3.將蛋糕模內層塗滿牛油，然後將朱古力糊倒入，用焗爐以180℃，焗10分鐘即可。
CASAMIA的甜品師傅Frankie正在為學員示範意大利芝士蛋糕的做法。
第一次學嘅Anna同Stanley話，最難就係攪到啲材料起泡，攪到手都軟晒，小記喺現場睇，拂得較好反而係女士Anna，身為男士嘅Stanley就差咗啲啦！
最高興當然係自己親手製成嘅作品面世啦！睇吓Cheryl同Stanley幾開心。
可以即場食番自己親手製嘅作品，Anna、Dicky、Stanley、Cheryl話好玩好食重學到嘢，有機會一定再參加。
小記當然要問吓師傅Frankie邊個製得最成功啦！Frankie話Dicky嗰個就最好，因咁多個朱古力布甸，只有佢嗰個布甸切開後會流出朱古力，咁先係正宗ChocolatePudding。
參加資格：只需星期一至六晚上，於CASAMIA惠顧晚餐（每枱須2位或以上），每枱有一位顧客可免費參加學製Chocolate Pudding或Tiramisu其中一班。
上課時間：逢星期日下午3時至5時
地點：CASAMIA
地址：銅鑼灣摩頓台5號百富中心1樓
查詢電話：25778383
人數：每班最少5人，最多30人。
備註：材料由店舖提供。