新一輯SK-II「活膚水凝素」電視廣告，將於下周一（十一日）播出。今次SK-II再次找來鄭秀文（Sammi）作代言人，只見Sammi在廣告中穿上開胸白恤衫，展示平胸的美感。在片段中，Sammi的外貌及表情，更愈來愈似年前為此品牌拍廣告的琦琦。
廣告中，Sammi處身於遠離煩囂的日式小屋中，以一身純樸打扮，向着風信子細訴皮膚保濕的重要及看法，最後她還說用後會「好彈手」及「靚到揼一聲」㖭！而這鬼馬的對白，更是Sammi親自度出來的，她日前說：「呢啲全部都係我用過後，同大家分享嘅感受，表達得生鬼啲，大家睇嘅時候都會開心啲啦。」
廣告於上月初拍攝，場地為元朗八鄉片場，有關方面將片場布置得美輪美奐，再以多盆風信子作背景，顯得相當優雅，據悉製作費高達百萬元。
而今次已是Sammi第三次跟SK-II合作，Sammi笑說：「今次拍攝最特別嘅，係個景同先前所拍嘅有啲唔同，好有日本feel，我覺得真係靚到揼一聲㗎！」對於今次拍攝酬勞，Sammi說：「酬勞當然係好滿意啦。」
採訪：羅慧敏