早前富豪車廠公布咗關於全新XC90嘅資料，而備受車迷注視，而最近公布嘅ACC2概念車，亦係注目度十足；皆因ACC2除賣相突出外，車上各項設備更可為乘客帶來不少方便及頗高嘅保護性㖭。
雖然全新ACC2概念車，賣相並無太誇張嘅設計，但帶點跑意嘅造型，以及一套18吋輪胎組合，卻成為咗佢嘅賣點之一，並可凸顯出ACC2嗰分獨特嘅個性。至於車廂布局方面，屬全新設計嘅前後排座椅，亦能給予你有頗高嘅舒適度；另外，富豪獨有嘅安全設備如WHIPS及SIPS系統等等，亦出現喺ACC2身上。而車上嘅中控台更係設備齊全，兼有各項先進裝備，並可連接上PDA、數碼相機等等，以便用作傳送資料，真係既先進又方便㗎。
廠方亦預算會為ACC2裝上一台2435cc嘅五汽缸引擎，馬力輸出高達300匹，加上一套出色嘅AWD（AllWheelDrive）系統，從而令新車可有更出色嘅性能表現。