世事多變難料，早排亞Mark曾經講過，話福特新人事新作風，想必有一番新景象，而且重聽聞佢哋正積極搵Showroom，睇落今年佢哋會有一番新景象㖭！點知正當言猶在耳之際便傳來消息，話福特市場部大員JessicaChe，以及響營業部有30年經驗嘅營業經理ThomasWong，早前經已請辭，這是否意味住代理方面，會否有一番新改革呢？暫時就不得而知；然而，新款2000ccFocus跑版及Fiesta新一代迷你車，相信會如期推售，之不過今趟福特嘅改革風潮，卻牽起車壇有不少揣測，諸如三菱、本田、日產均傳出遲吓會有改革嘅可能，究竟事情發展係點？亞Mark倒認為言過其實，未必會咁動盪。