譚耀宗身為安老事務委員會主席，噚日出席深水埗區一個長者電腦證書課程畢業典禮。
阿譚果然好了解老人家，知道佢哋接觸電腦最大的問題就係唔夠膽，「驚掂吓個電腦唔知有乜怪獸走出嚟」，一唔小心搞亂屋企部電腦，仔女又會嘈。有見及此，阿譚話最好將來每位老人家一人一部Notebook帶返屋企。
不過各位長者咪咁快開心住，因為阿譚跟住就話要視乎星期三財爺盤數，睇吓個袋有幾多錢使。𠵱家咁嘅時勢，唔減都偷笑，睇怕阿譚呢個提議都會變期票，重要係遙遙無期嗰隻。
雖然如此，但亦有好多老人家踴躍參加報學電腦，其中一個長者學員重包括深水埗區議員黃鑑權，另外又有八十一歲高齡的長者自製個人網頁，所以真係唔好睇小老人家。
（圖）卓百德（中）昨出席嘉里建設公布業績記招，風采依然。
E-mail：