昨日嘉里建設公布業績，八方記得去年又係呢個日子，同場見到兩大地產明星分析員，摩根士丹利的卓百德及已退隱江湖的米高堅，眨眼又一年，米高堅去學揸小型飛機，而卓百德，就有小道消息話佢因為去年喺地產分析員排名榜中降班，所以做咗大摩顧問，真係一年人事幾番新。
講番昨日，八方再見唔到米高堅，但就仍然見到卓百德，佢重同埋大摩地產部新阿頭、副總裁夏朗，及愛徒謝昭平一起出現，點解咁捧場？據悉，卓百德雖然辭去亞太區地產研究部工作，轉任為大摩駐香港區顧問董事，但仍然要同地產公司接觸，所以呢啲場面一定會出現；至於夏朗，由於剛接任地產部，對嘉里唔係咁熟，所以出嚟識下人。
E-mail：