謝霆鋒一直被傳與陳曉東（東東）不咬弦，前晚霆鋒得悉東東因信用卡遭盜用而被港聞版大事報道後，顯得驚訝之餘，又不屑地說：「係呀？咁唔好新聞呀？唉…Sorry呀！」
謝霆鋒、許志安、張燊悅及方力申等，前晚到電視城出席節目《博愛歡樂傳萬家》，霆鋒得悉陳曉東（東東）信用卡被盜用損失逾十萬，事後遭本地報章大事報道時，他表現驚愕之餘，語氣更帶點不屑。
其實自東東與張柏芝戀情告終後，多次傳出霆鋒與東東不和的消息，而霆鋒更一度與柏芝傳緋聞。霆鋒前晚得悉東東信用卡遭盜用，先一臉驚訝地反問說：「頭條？娛樂頭條呀？」得知是港聞版頭條後，他似乎感到難以置信，並有點不屑地說：「吓？重要港聞㖭？係呀？咁唔好新聞呀？唉…Sorry呀！」
其後霆鋒亦不甘後人，自爆遺失銀包，他說：「我過年前㩒錢去北京用，後來唔見銀包，錢係其次，個銀包我用咗三年幾，有感情，最重要係裏面有啲相我唔想俾人見到，重有啲護身符同平安繩。」問到遺失的照片是否女友王菲的玉照時，霆鋒說：「總之我唔想俾人睇到，張相擺得喺銀包，就梗係重要啦，我希望攞咗我銀包個人攞完錢後，可以寄番啲相畀我。」
霆鋒表示銀包內約有數千元，而護身符則是與柏芝飛車受傷後，他送給伊人的那個一樣，霆鋒續道：「個護身符我有三個，一個畀咗柏芝，一個畀公司同事，另一個放喺銀包，我每次去醫院探訪朋友，啲符都會送畀佢哋。」