何超儀、楊千嬅和鄭裕玲（嘟嘟）等，前日在元朗嘉龍片場為新片《慳錢家族》開工，何超儀身穿貼身衣服，身材顯得頗豐滿。
何超儀憑《天長地久》一片演出，角逐香港電影金像獎的「最佳女配角」，她高興地說：「我好開心，爹哋（何鴻燊）話我有紋路，之前佢話唔知我唱歌、拍電視定拍戲，佢都話我做戲做得好，我有吐氣揚眉嘅感覺。我好多謝喺金像獎投我票嘅人，我已經贏咗漂亮一仗，下個目標係提名女主角。」
何超儀表示獲悉提名後，曾致電英皇老闆楊受成，她說：「我叫佢開戲畀我，楊生話諗吓先，我咁做係咪好醒目呢？」
此外，嘟嘟在《慳錢家族》中跟曾志偉扮演一對假夫婦，嘟嘟並謂有留意黃子華已有新女友，她說：「做《男親女愛》舞台劇時，我都見過佢哋，所以我一早講過同子華冇嘢，我哋私下冇來往，𠵱家鬆一口氣。」
採訪、攝影：甘比