【本報訊】一名青年加入三合會「新義安」一年，即心思思想「過底」轉投另一人門下，卻被大佬揭發大興問罪之師，禁錮車內恐嚇打斷手腳家法懲治，區域法院法官昨日判處涉案大佬等二人分別入獄八月及十二個月。
被告溫志球（二十七歲），報稱停車場職員，早前被裁定一項恐嚇罪名成立，無業被告程紹輝（二十一歲）承認一項非法禁錮罪名。法官衞以寬判刑時指案中事主並無受傷，其中程的角色較輕，判囚八個月，溫囚十二個月。
案情透露，十六歲姓陳男學生與三名少年，於九九年十二月至前年七月，先後加入新義安，跟隨大佬溫志球。但到前年九月，一夥人便密謀脫離溫，過底認同一社團另一名綽號「蘇牛」作大佬。
事件遭溫等知悉後，九月十日程約被告到天后廟見面，事主借故推搪。
其後溫出面要求事主等少年到屯門田景邨一學校等候，再帶他們到附近一遊樂場。
溫隨即向陳破口大罵：「你幾×鼻大！要我親自嚟刮你！」他未及回應，溫便質問「跳槽」一事「邊個叫你過底蘇牛，蘇牛好大咩？志球個名點打番嚟？」陳被大佬罵至噤若寒蟬，但溫鬧得性起，恐嚇：「邊個過底蘇牛，留低一隻腳，唔使再喺屯門出現，腳都打跛你！」
陳指溫喝令他走到一輛停於快餐店前的私家車後，語帶譏諷說：「大人物上車啦！」陳表示害怕會被痛毆及打斷手腳，被迫與被告一同上車，即聽到其中一人揚言會載他到村公所執行家法，令他極度驚慌，「隻手都震埋！」
幸而此際一名警員經過截查該車，他便輕聲告訴警員「好驚，救我！」警員召援將被告拘捕。
案件編號：DCCC854/01