自歐盟嘅新例禁止任何地區性獨家代理後，再無「獨家」兩字可言了。喺歐洲，現時丹麥嘅車價最便宜，日後當新例生效後，理論上丹麥嘅代理可到歐洲唔同嘅地方開分店；以丹麥嘅低稅價賣車給個別地區，可以造成丹麥零售商喺巴黎開舖賣嘅標緻，稅後價比巴黎嘅標緻代理平得多，原因係丹麥車稅比法國車稅低。而另一個建議，就係廢除一間代理店只能售賣單一牌子嘅局限；現時，歐洲規例係不能在一間代理店內售賣兩個牌子車種嘅。當新例一旦通過，就會喺今年10月1日起實施，並有一年過渡期，直至2010年5月底才作修改；廢除獨家代理制，就係將歐洲車廠過去十數年建立嘅一條龍式造車、賣車、維修服務一攬在手嘅經營模式打破。
而喺北美地區係無獨家代理嘅，一間車行可以賣所有牌子嘅汽車、維修任何牌子嘅汽車，價格都係公平地相互競爭嘅；而歐洲嘅主要現象係歐盟一體化之後，個別地區嘅稅率偏低，令車價相形下顯見優勢，呢個係歐盟競爭事務委員會需要面對嘅問題。(二之二)
文：陳自齊
如果大家對汽車有任何問題或關於汽車嘅所見所聞，想同大家分享一下的話，歡迎傳真或郵寄畀我哋。
傳真：27420542
郵寄：香港將軍澳工業邨西駿盈街八號《蘋果日報》副刊「車天車地」版「車中人語」收。