羅兆輝近日言行舉止失常，原決定昨日返港的他，臨時又不肯回港。不過，昨日羅兆輝主動致電本報記者表示很心煩，覺得自己一時正常，一時瘋癲，又指其母親儍了，但為了往意大利傾大生意，暫不會返港。特約記者巴黎直擊
羅兆輝近日言論出位，更大爆與圈中女星的性史，日前他又偕任港秀赴英國洽商生意。羅兆輝怪誕的言行舉止，令其家人和富豪朋友十分擔心，特別派遣其公司職員Roger到巴黎勸他返港看心理醫生。據知Roger曾想安排羅兆輝的家人往法國勸他回來，而Roger亦曾告知羅兆輝的家人在香港病了，企圖勸服他返港，但都不成功。
羅兆輝原定前日返港，下午約三時許他先到一間以血鴨聞名的LaTourd'Argent餐廳買水晶鴨，去年呂良偉在巴黎結婚時，也曾偕同親友往該處晚膳。記者約下午六時見羅兆輝拿着幾袋物品返酒店，他在房間高興地展示剛Shopping回來的水晶說：「我買呢啲水晶，有煙灰缸同鴨，我想送畀一個周刊記者。」
在羅兆輝滔滔不絕之際，Roger很細心地為他清洗面上的毒瘡傷口及搽藥水，又為他收拾行李。晚上約八時許羅兆輝出發往機場，準備乘搭十一時十五分的AF188班機返港，但他在機場逛了幾圈後，始終不肯上機，堅持要留在巴黎，同行的記者和Roger遂一起送他返酒店休息。
羅兆輝要求所有人離開酒店後，他又主動打長途電話給本報記者說：「我好煩呀！𠵱家房間只剩番我喺度，我都唔知自己係正常定係癲。我要去意大利傾生意，幾十億生意唔去唔得，所以大哥Joe（劉鑾雄）叫我返嚟，我都堅持要留低。」
記者告訴羅兆輝其母十分擔心他，所以曾向富豪朋友求助，羅兆輝說：「我阿媽真係儍儍地，叫佢唔好發癲啦！我真係傾緊生意，你知唔知德國寶馬同平治車廠，都對我公司嘅慳電機好有興趣，你話我生意大唔大。」
對於無國界醫生前日發表聲明，否認曾為他做手術一事，記者問他為何謊稱已割除大瘡時，羅兆輝堅持道：「唔係，個毒瘡真係割咗，我係搵無國界醫生主席同我割嘅，佢哋有十九個主席，幫我做手術嗰個啱啱辭職。哈！今日我去Shopping買咗好多嘢，我都買咗手信畀你，計條數我今日都買咗三十五萬嘢，去完意大利，我會去英國，然後再去日本，你不如嚟探我。」