老董順利連任，當堂鬆了一口氣，所以在香港大拋書包，說甚麼「急你哋所急，諗你哋所諗」。八方一位老友打電話嚟問，究竟老董想講乜？
於是八方四周圍去問呢兩句係邊個嘅傑作。答案當然係老董自己。可能佢原來想借用范仲淹的名句「先天下之憂而憂，後天下之樂而樂」，但係改成現代口語，變成咁嘅樣，有位大狀就以為佢想去洗手間。
老董喺香港急完，跑咗去北京，今次佢就講得得體咗，話既然得到中央再次任命，一定「只許成功，不許失敗」，咁唔成功又點？佢又冇乜交代。講到咁實咁死，又真係太誇張。
不過無論你鍾唔鍾意，佢老哥連任已是定局，各位選委應收到選舉事務處的免費郵遞，話老董已自動當選，毋須投票，多謝各位。
E-mail：