全國人大代表會議今日開幕，作為澳門特首的何厚鏵，同香港董特首都會蒲頭，不過，一向比較受傳媒歡迎的鏵哥噚日表現得較為奇怪，佢去到酒店，見到港澳傳媒劈頭就話冇特別事想講，重在正月就快過去的時候拜年，祝大家工作順利，身體健康！鏵哥冇事想講，但係記者有事要問嘛，好似佢同老霍見咗面，究竟老霍同佢講咗要賣賭權的事未呢？ 老霍上到北京，日日都避開傳媒，何鴻燊又冇上京，連人都唔見。𠵱家連鏵哥都學埋封嘴呢招㖭！ （圖）以為剩係老董先識，點知𠵱家連鏵哥都學識封嘴！ E-mail：[email protected]