Twins昨日在旺角出席元綠活動時，有大批保安和警察維持秩序，她們的保母車為了逃避熱情的fans，更不惜衝紅燈。而蔡卓妍坦承媽咪有男友，更希望父母再婚，為她增添細佬妹。
二人女子組合Twins昨出席完師弟周英杰在沙田新城市廣場舉行的新歌《敢愛敢還》MV首播後，即趕往旺角出席另一活動「TWINS和元綠有個約會」，趁機一嘗美味壽司。早前有指Twins被禁在旺角舉行活動，不過昨Twins不僅可在旺角舉行活動，而且更有優待。
現場除了有十四個保安人員外，還有十名警察維持秩序。而旺角元綠外本是二十四小時禁止停車的，但卻讓Twins在元綠門外下車，更有警察為她們開路。Twins離開時，其保母車為了逃避熱情fans追逐，更不惜衝紅燈。昨日有五百多人圍觀，由於有眾多保安維持秩序，所以情況甚為良好，但由於Twins引起少許交通阻塞，令一些途人不滿。
蔡卓妍（Charlene）母親日前被拍下攜男友欣賞她的表演，Charlene昨日坦言：「媽咪有男友我一向都知，因為爹哋、媽咪都分開咗咁耐，大家有男女朋友都好正常。咁我第時成家立室唔通剩低佢一個咩！不過你哋真係嚇親我阿媽，佢都有即刻打畀我，因為佢怕我唔開心。但呢啲始終都係私人嘢，唔想多講。我都想佢哋再婚㗎，咁我可以有多個細佬妹嘛！」
此外，周英杰表示很高興得到師姐Twins的支持和送花，他說：「我都係第一次收到女仔送嘅花，如果第時再收花都冇今次咁開心。」
採訪：駱華齡、楊潔雯
攝影：黃文成、陳烱威