飛哥李鵬飛喺新一期《茶杯》又數風流人物，梗係多猛料爆。佢爆咗「鐵娘子」戴卓爾夫人八二年訪華時，喺北京人民大會堂門口「仆低」嘅原因，幾過癮。
原來「戴師奶」親口同佢講係因為鄧小平。話說當年鐵娘子訪華，一心以為可以大家商量吓香港前途問題，但點知老鄧按佢一貫慣例，自顧自講完要講嘅話就揚長而去。鐵娘子唔單止冇機會發言，鄧小平重警告話，英國如果玩花樣，解放軍明日提早接收都得。「戴師奶」親口對飛哥話，當日佢走出人民大會堂時，「心中一直嘀咕住，點解呢個『中國矮仔』（Chineseshortman）咁冇禮貌，就咁一時分神miss咗一步，就仆低咗囉！」就係咁，留低咗珍貴嘅歷史鏡頭。
E-mail：