近年，法國標緻車廠嘅積極表現，可謂教人刮目相看；繼早前206車系大受用家追捧外，想唔到踏入2002年，車廠續有多款新車推出。當中，亞Mark曾經提及過嘅307SW七人車、206SW及新版206GTi，重有全新嘅807MPV車，更會響日內瓦車展中正式登場；然而，據亞Mark所知，早前標緻代理一班高層，包括莫Sir同JohnnyNg，更秘密親赴法國試車噃！不過，亞Mark重聽講話當中嘅307SW，會係佢哋今年嘅重頭戲，雖然早傳部新車快者都要年中至抵港，但近日有消息傳出，話呢部新一代家庭七人車，或許會響3月底前火速到港發售；若真能成事的話，相信一眾日本對手，今勻就真係有勁敵喇！