Apple姐日記：夏蕙姨拍裸照斷六親

我Apple姐有時真係好明白啲藝人，言論要出位、衣着要大膽先能夠博上位見報。但係我Apple姐就唔係好明黃夏蕙。
夏蕙姨早前赤裸上身模仿莫文蔚張唱片封套相，幫一本雜誌影封面，出嚟嘅效果又激又駭人。我Apple姐真係唔明夏蕙姨都一把年紀，經濟唔成問題，又有兒有女，點解要咁做。事後佢重講大話話本雜誌key佢嘅頭上張相度，真係令人莫名其妙。

欺騙仔女
夏蕙姨點解要講大話，原來有一個好溫情嘅苦衷，因為佢啲仔女見到個封面後好嬲，重話要同佢斷絕關係，夏蕙姨為咗𠱁番啲仔女，咪喺啲記者面前擘大眼講大話。其實佢除咗鍾意做攝石人之外，都算係一個好媽媽。