馬浚偉(馬仔)、谷祖琳、何韻詩、陳啟泰及陳司翰等人,昨日齊往鑽石山荷里活廣場出席港台活動。昨日蔡少芬宣布與男朋友吳奇隆已正式分手,問身為蔡少芬好友的馬仔可知此事時,馬仔說:「蔡少芬都講咗,我做朋友嘅唔使講啦!我亦都唔想提,心照啦!佢會識得解決嘅。」 谷祖琳超短裙省鏡 而谷祖琳昨日可算最為省鏡,以一件背心超短裙示人,谷祖琳說:「做咗歌手之後,啲服裝費多咗唔少,都幾肉赤,因為做歌手啲衫着一次就唔可以再着,所以我都諗辦法盡量慳啲,咁就可以買多啲衫。」