潮濕天氣又將來臨，大家又要面對濕𣲷𣲷的日子，特別喺天水圍、柴灣、西貢等潮濕地區，每逢潮濕天氣，屋企牆身、地板都不時有層水氣凝結，嚟緊3月6日驚蟄，春天正式殺到，蟲仔、霉菌更會乘時而起。唔想屋企濕氣重重，就係時候買定抽濕機做足準備工夫。02年新出嘅抽濕機唔單止外形討好，機身重有粉紅色、粉藍色等靚仔顏色，其中小記首推高達26L抽濕機霸，佢力谷上、中、下三方向抽濕，唔理天花板定係牆角都照吸可也！
記者：張穎倫
攝影：陳智良、周旭文
ImageGirl：Miyuki
型號：
除濕量：26公升?日
體積：H594×W372×D281mm
其他功能：濕度設定、乾衣、定時開關、兒童鎖、連續排水。
售價：$4,380（吉之島）
香港許多家居地方淺窄，唔少朋友用抽濕機都會一路抽濕、一路乾衣，但衣服掛喺上方，濕氣聚於牆角，要同時兼顧上、下確係有點困難。所以呢部機有135度嘅自動廣角送風以增加抽濕範圍，更有埋下部送風，專門針對地面、地顫的濕氣之用。另一方面，機內更設置抗菌空氣過濾網，有埋空氣淨化效能，全面照顧用家需要。
設於機身中央，專門針對下方濕氣，由於濕氣一般都比其他氣體重，所以呢個功能極之有用。眾多新機之中，只得東芝同樣有呢個Function，抵讚！
有冇試過拎出排水槽嘅時候，唔小心弄翻，搞到成地水功虧一簣？呢部機就加設排水槽蓋，以防漏水啦！
事實上唔係部部抽濕機都設有機底滾輪方便移動，就算有的話都唔可以轉動，未算完美。但呢部機就採用4隻順滑腳輪，將抽濕機推嚟推去都咁方便。
大部分抽濕機都只可以用手調校送風角度，呢部機既可以由電腦自動送風，而且送風角度更達135度，令全個房間都均勻抽濕。
內置嘅過濾網可以減少空氣中的塵埃同花粉等雜質，更加埋抗菌效能，能產生空氣淨化作用，最啱香港渾濁嘅空氣。
唔少住喺西貢村屋嘅用家都覺得濕氣極重，盛水箱話咁快就滿，頻頻倒水極之麻煩。所以呢部機除設有4公升大容量水箱外，更主打連續排水功能，方便用家將水管接駁到洗手間直接排水，每日抽濕20公升唔使倒水。另外呢部機都係少數設有向下送風口嘅抽濕機，吸乾鞋內濕氣最Fit。
型號：
除濕量：20公升?日
體積：H560×W360×D160mm
其他功能：空氣淨化、自動抽濕、連續抽濕、乾衣、抗菌空氣淨化、時間掣。
售價：$3,680（華仁會）
雖然冇自動送風功能，但兩塊搶眼嘅海藍色送風板，可分別吹送兩個角度，一邊抽天花同時抽牆身，夠晒全面。
好多有直接排水功能嘅抽濕機，都要先拆掉盛水箱，才可接駁排水管，過程複雜。但呢部機嘅接駁位就設喺機側，只要自行買條膠水喉插入駁位，將水喉直接放在洗手間排水，相當方便。
大型抽濕機最啱一家幾口之用，但單身一族同二人世界又未必需要咁強嘅抽濕機。若以簡單為主，呢部機雖然主打只得抽濕同乾衣兩種功能，但一個按鈕就能操作，簡單方便。而且機仔細細，放喺家中每個角落都唔會阻地方，機身有粉藍色、粉紅色任擇，兩種靚色都咁吸引，要嚟襯粉色家具確係一絕。
若然你覺得太多功能都未必有用，家中長輩更不懂操作的話，呢部機只靠一個按鈕就能輕易控制開關嘅設計就最Easy。
型號：
除濕量：10公升?日
體積：H445×W160×D355mm
其他功能：三向抽濕、連續抽濕。
售價：$1,998（吉之島）
去年樂聲推出嘅薰衣草顏色抽濕機大受歡迎，所以02年新款亦繼續採用呢隻靚色。功能上佢亦有自動送風功能，角度更闊達170度，新機中數一數二。再加埋濕度感應器，可將濕度自動調節喺40-60%範圍，感覺最為舒適。
型號：
除濕量：16公升?日
體積：H565×W364×D233mm
其他功能：時間掣、連續排水、自動抽濕、連續抽濕、防霉、低溫操作功能。
售價：$3,480（樂聲）
橙色或綠色嘅顯示屏夠靚之外，更有齊濕度、計時、送風角度等詳盡資料顯示，最過癮係乾衣時有件衫仔喺度，看圖識字一睇就明。
連盛水箱都係透明紫，既令全機由外靚到內，更可令用家睇清水箱裝滿未，一目了然倒水話咁易。
大部分新款抽濕機嘅過濾網都可以辟除空氣中嘅雜質，但採用活性炭過濾就好少有。假如你屋企有人氣管唔多好，呢部機都幾啱使。事關佢嘅活性炭過濾網，唔單止可過濾空氣中雜質同塵埃，更連煙味都可辟除，絕對實用。而且佢嘅盛水箱容量亦達6公升之多，減少換水次數，最啱懶人。
型號：
除濕量：18公升?日
體積：H545×W380×D262mm
其他功能：預校抽濕度、連續排水、乾衣送風葉
售價：$3,678（惠而浦）
設於機背嘅活性炭過濾網，容易拆除，方便用家清潔保持過濾效能，夠晒健康。
店舖資料：
吉之島（28846888）鰂魚涌康怡廣場南座
華仁會（23980280）旺角花園街75-77號花園商業大廈5樓
樂聲陳列室（28330955）銅鑼灣崇光百貨公司10樓
惠而浦陳列室（25061628）銅鑼灣禮頓道77號禮頓中心地下上層3號舖