年屆三十八歲的梅艷芳，前晚穿上價值約三萬二千元的ChristianDior長裙，出席在會展舉行的《男人四十》首映禮，更差點因衣領太低而走光。阿梅又否認與好友劉德華反目，指二人關係未變。
梅艷芳（阿梅）、張學友及林嘉欣主演的電影《男人四十》，前晚在灣仔會展舉行首映禮。年屆三十八歲的阿梅為隆重其事，穿上價值約三萬二千元的ChristianDior碎花長裙，及約值四千五百元的D&G長靴赴會，但因衣領太低，差點走光。阿梅更自言對早前被拍下醉酒失儀的相片，會自己承擔責任。
阿梅說：「俾人影到相係我自己嘅責任，我唔希望鍾意我嘅人傷心，亦唔希望身邊嘅人為我擔心，我個人向前望，以前啲嘢唔記得啦。」
近日盛傳阿梅拍電影《愛君如夢》後，與老友劉德華關係決裂，阿梅又曾稱被朋友出賣，而華仔則回應與阿梅的關係是兩人的秘密。前晚阿梅笑道：「我今日唔講你哋都唔心息㗎啦，我講埋呢次以後都唔講。我同華仔嘅友情係唔會變，亦唔係外間所傳咁，我同華仔嘅友情自己知，唔使同傳媒講嘅。」
此外，阿梅憑《男》片及《慌心假期》，分別獲金像獎及金紫荊提名「最佳女主角」，她笑稱自己亦有壓力，但有提名已當自己贏。
採訪：馮美茵、李珮洳
攝影：陳慧安、馬傲然