至於阿譚譚耀宗講逆境經驗就慘被挖瘡疤，有人問起佢九五年喺觀塘區直選落敗，點樣面對殘酷嘅現實？阿譚惟有笑說：「唔好挑起我嘅傷心事啦！」
不過佢都好自豪，話自己選輸之後，觀塘街坊反而重錫佢，行出街謝票時，人人都爭住同佢揮手，到現在都「唔放過」佢，噚晚都要佢返去觀塘參加活動。講到興起，阿譚好興奮咁自動請纓要唱《順流逆流》，雖然結果變咗唱《愛拚才會贏》，但阿譚一樣咁投入，學足歌星搞氣氛，唱唱吓會問：「有邊個未聽過我唱歌嘅舉手？」又會不時大聲講：「多謝！多謝！」台型十足，「師奶殺手」佢認第二，邊個敢認第一？
（圖）「山頂嘅朋友，聽唔聽到我唱歌呀？」阿譚唱到忘晒形，當正自己開緊演唱會咁。
E-mail：