前市政局主席張有興女兒張天愛日前否認與羅素結婚，二人且工作至上，滿肚密圈。原來張天愛除在內地發展時裝事業外，在五、六月還為美國一電視台的新節目《WealthandHealth》擔任主持人，拍攝以中國為題材的電視錄影帶。
前市政局主席張有興的女兒張天愛（Flora），早前被傳已與男友羅素於夏威夷訂婚，但日前Flora否認訂婚一事，並表示會與男友合力發展時裝設計。除此以外，Flora還透露落實了一項大計，她於五、六月會為美國一間電視台擔任主持人，拍攝一個以中國人lifestyle為題材的電視錄影帶。
Flora日前在中國坊接受訪問，她說：「我農曆新年去咗美國落實呢個計劃，我會幫一間美國電視台做一個關於中國嘅特輯，個節目叫《WealthandHealth》，類似外國好出名嘅《RichandFamous》，不過我哋target嘅係啲後生觀眾，我重會幫佢哋做埋anchor（主持人）」至於該電視台為何會找Flora，她說：「佢哋搵我嘅原因，可能係我喺大陸拍過樓盤廣告，又喺美國、中國發展時裝生意，對上海、北京有一定認識，又能夠操流利英語。個節目名改得好好，有health先有wealth，兩樣嘢都要balance。」
除電視幕前演出，Flora今日將出發到上海，為當地的國際模特兒大賽統籌製作，Flora說：「我會為上海國際模特兒大賽做production，會負責埋美術方面，之後就會忙於籌備男裝collection，放喺北京嘅新舖發售。總之𠵱家我會香港、內地同美國三地作為發展基地，而香港我會作為backyard，中國入咗世貿會多一點商機。」
Flora還表示會順道到北京探女兒邢嘉倩，她說：「佢喺嗰邊讀書好叻，科科A，我同佢daddy都好開心，始終香港啲教育冇咁全面。」
張天愛所設計的TianArt系列，一向走非主流傳統中國服的路線，以有型casualchic，襯托出contemporarylook見稱，去年十二月更獲中國全國設計師大獎。
要把中國服穿得有型有格，正如Flora所言：「要有型格，就唔好要totallook，因為會太老氣同埋太刻意。可以襯啲patchwork嘅牛仔褲，加埋高踭鞋會冇咁刻意。如果襯埋啲喺內地跳蚤市場買番accessory，好似絲巾，出效果可以