絕非扮嘢，講Futura，始終較欣賞90年代中他與平面設計師BenDrury設計一系列有型有款的Pointman唱片封套。總覺得Futura與時裝扯上關係多少是在賣弄噱頭；諸如貴到嚇死人的Levi'sXFutura牛仔服飾；早前與Maharishi合作推出似睡衣多過似着出街的功能服；老實講，兩者皆可ForgetIt！
02Futura最新Crossover又一樁，今勻合作夥伴是ZooYork；兩者同是街頭出身，同樣熱愛軍事元素，可謂真正門當戶對！重有，更難得係呢批Crossover示範作有番水準之餘，取價重鬼咁親民！
記者：陳嘉文
攝影：陳穎
相比從前Futura的Crossover製品，今次與ZooYork的合作相信是最門當戶對；兩家同是出身於紐約街頭，同樣熱愛軍事元素，其設計更分別為綠林迷彩(軍綠色)及都市迷彩(灰色)，是故其製品也比前作更具瞄頭！
早於90's，Futura已被藝術界譽為21世紀最重要的PopArt大師，然而在潮流界竄紅，全因Futura深懂市場學，看準街頭文化與當代藝術的密切關係，將商品與藝術品(Pointman)成功結合；先是替JamesLavelle的Mo’Wax設計唱片封面；其後更搭上Nigo的唱片廠牌Apesound；結果Futura/Pointman成功征服潮流界！Futura/Pointman獲得空前成功，生意自然滾滾而來；Levi's搵佢做設計，英倫功能服大師Maharishi要同佢合作；重有，㗎仔當正佢係神，在穿針引線之下，Futura更聯同老死Stash遠赴東洋發財—搞潮流舖ReconShop。
ZooYork可以說與一般西岸的品牌截然不同；簡潔、直線性的視覺設計是其風格。話說"ZooYork"源於已故知名塗鴉大師MarkEdmunds(江湖上又名Ail)一干人組成的GraffitiCrew隊名，自小就跟Mark四處塗鴉踩板的Eil同Jeffersn，一直都覺得ZooYork此名字好型好Cool好能夠代表紐約，後來得到Mark同意，用了這個名作為自家牌子，並於1993年正式推出滑板及板服系列。此外，品牌亦不時製作一些錄像及ArtworkProjects，推廣視像文化。
售賣點：
double-park(22657755)
九龍塘又一城LG229號舖