澳門開放賭牌之後，真係愈來愈熱鬧，八方班行家追新聞，重由澳門追到去北京，不過咁多日政協預備會同開幕禮，都未能同霍英東見面，令人失望。意外收穫係見到其中一個新賭王呂志和，佢係政協代表，噚日在北京就被八方嘅老友問佢，係咪真係好似傳聞所講，向賭王何鴻燊挖角，挖咗澳娛八成員工過檔。呂賭王一聽即刻耍手擰頭話：「有冇搞錯！」佢唔單止否認傳聞，甚至連自己點樣請人都話唔知，暫時乜都冇得講住！
呂志和唔講，連澳門經濟財政司譚伯源都封嘴，佢噚日企定定畀人影相嘅時候，一聽到賭權兩隻字，立即話來北京只係開政協會議，其他乜都唔講；至於佢會唔會去到澳門駐京辦開幕，佢就話自己趕住返澳門，唔可以捧場喎。
E-mail：