月餅場巧遇月餅祥，同佢講起月餅場淡況之餘，又講日本嗰邊裏原宿炒賣巿況。佢通常坐聯合航空過東京，早機零八去認真辛苦，學佢話齋賺每個錢都有血有汗，好景時拎住成幾十斤水貨，膊頭都瘀晒，幾支跌打酒都補唔番，不過𠵱家都冇呢支歌仔唱，月餅祥都話日本嗰邊靜晒，冇乜好炒，經常兩手空空返港。
𠵱家日本仔都好搏命，遇上難得炒得勁嘅貨，都唔會好似以前咁老實每人只入貨一次，而係想盡辦法扮鬼扮馬等Sales認唔出，一個人排幾轉隊入多次貨。月餅祥話，近日班裏原宿排隊黨最鍾意扮大感冒，乘機戴晒口罩，再戴埋眼鏡頸巾，入完貨後，即刻除晒啲裝備，再以正常人身分入舖買多轉貨，果然冇人認得出。
「估唔到𠵱家日本班靚仔同香港人一樣咁蠱惑，以後過去做生意真係要小心啲。」說罷，月餅祥大力吸他的水貨煙。
主持人：大食Jack
八卦熱報：