全國人大港區代表團團長吳康民噚日喺北京，見到班香港記者不知幾勞氣，一有人問佢有關人大提案，特別提到有人打算喺人大提出討論旅遊巴安全問題時，可以話火都嚟埋，對住班記者話唔明點解咁多年，重有啲人未搞清楚提案同建議，佢叫八方啲行家留意，唔係搵夠三十人聯署，由代表團提出就一定係提案，提案係一定要有全國性訂定法律嘅需要，否則只算係一個建議。
佢又以旅遊巴為例，呢個應該係交通部門嘅具體規例問題，應該屬於國務院範疇，絕對唔係提案。雖然吳康民對住班記者發牢騷，聽落好似話班記者唔識嘢問錯問題。不過諗真啲，又的確有愈來愈多人大代表話自己要上京提案，咁就唔怪得吳康民咁扯火了。
E-mail：